Emir Bajrami kthehet në janar

Amsterdam, 16 dhjetor – Mesfushori kosovar Emir Bajrami pret që të rikthehet në fushën e blertë gjatë janarit, shkruajnë mediumet holandeze të mërkurën. Bajrami ka marrë një lëndim të nyjës së këmbës në fund të shtatorit. “Sigurisht se dua të kthehem në nismë të vitit 2011. Dua të kthehem kur të jem 100 për qind. Lëndimi më erdhi në kohën më të papërshtatshme. Vetëm pak para lëndimit fillova të stabilizohesha në skuadër. Kjo edhe ishte arsyeja që nisa ndeshjen kundër Tottenhamit, ku edhe u dëmtova”, ka thënë Bajrami.