Hyrje » Suedi » PERSONAZHE » Shukrije Rama Pllashniku »
Shukrije Rama Pllashniku-deputete komunale
Shukrije Rama Pllashniku nga Ystadi është juriste, punon si arsimtare e gjuhës shqipe, kurse politikisht socialdemokrate aktive. Tash tri vite ajo ka vepruar si deputete e kuvendit komunal kurse në zgjedhjet e ardhshme kandidon për një vend në kuvendin komunal dhe atë regjional.
- Papunësia është një nga çështjet që brengos më së shumti Partinë Socialdemokrate ndaj edhe unë personalisht do të angazhohem më shumë rreth kësaj çështje me fokus në papunësinë e të huajve në Suedi, thot veç tjerash Shukrije Rama Pllashniku kandidate e Socialdemokratëve në Ystad për kuvendin komunal dhe regjional.
Shukrije Rama Pllashniku është juriste e diplomuar me profesion. Por pasion të veçantë ka letërsinë dhe artin. Veçanërisht i pëlqen poezia gjë që e krijon edhe vet, mvarësisht prej frymëzimeve. Kryen edhe disa punë tjera me rëndësi shoqërore e politike. Ajo është nënkryetare e Partisë Socialdemokrate për pjesën perëndimore/jugore të Ystad-it, deputete në komunë dhe njëherit edhe këshillëtare ligjore për gjykatat e qarkut në Skåne.
Në festivalin e shtatë të poezisë dhe të muzikës krijuese për diasporën shqiptare në Malmö, Shukrije Rama Pllashniku zuri vendin e parë me këtë poezi.
Ishulli i dashurisë
Sonte do të vallëzoj për Ty
Në natën e bardhë plot vetmi
Vallëzimi i zjarrtë nuk të tund
Dashuria e shenjtë nuk të mund
Vetëm hëna e përlotur vajton
Për yllin e plagosur në fron
Se loti shteret prapë një ditë
Dhe zjarri i shpirtit bën dritë
Si zog shtegtar do të fluturoj në qiell
Ëndrrën e plagosur ta ngroh në diell
Se toka e bekon dashurinë e vet
Sikur valët e trazuara në det
Nëse je lot i vonuar në fytyrë
Të gjitha dhembjet nuk ndërrojnë ngjyrë
Se lumturia fle në bregun e ëndërruar
Kur zgjohet engjëlli në ishullin e vetmuar
Deri në Oazën e magjepsur
Gjarpri këmishën e kish zhveshur
Tek zvarritet në kopshtin e lulëzuar
Në ringjallje të dhembjes së imagjinuar
Dashuria nuk pajtohet me mëkatin tjetër
Kur ndizet flakë vallëzimi i vjetër
Se lulja nuk thahet në kopshtin e vet
Fjalën e fundit uji i shpirtit ia jep
Shukrije Rama Pllashniku
KONTAKTONI ME STAFIN NË :
